My foto's van Ierland en Engeland vertel meer van die besoek.
Ierland s'n is hier, en Engeland hier.
Thursday, September 15, 2011
Wednesday, September 14, 2011
My kuiertjie in Engeland: 31 Augustus tot 3 September 2011
31 Augustus was maar net heeldag reis. Ek het gepak en uitgeteken, en is so 10:15 met 'n taxi Galway stasie (coach station) toe waarna ek weer die bus Dublin toe geneem het. Daar is ek toe op die vliegtuig Heathrow toe waar Lindi my gekry het. Ek was so dankbaar dat ek nie nog 'n keer van publieke vervoer moes gebruik maak nie.
Dit was heerlik om by Sarel in Lindi te kuier. Die kinders word so groot en raak regtig net al hoe ouliker. Hulle het 'n lieflike huis en dit was lekker om Ma ook weer te sien so saam met die uitgeweke familie.
1 September het Lindi my en Ma Windsor toe geneem. Dit was vir my vreeslik interessant om die Windsor-kasteel te sien wat die Britse koninklikes nog aktief gebruik. Blykbaar is die kasteel wat die langste in gebruik is, meer as 1000 jaar. Die koningin spandeer omtrent elke naweek daar. Soos altyd in Europa kry mens die gevoel van eeue se lief en leed. Ons was vinnig deur die St Georges Chapel en die State Apartments. Die skatte, die skatte ... dis asemrowend om te dink iemand van vlees en bloed leef so!
Ek het vir Thinus se Meerschaum-pyp ook in Windsor by 'n klein twakwinkeltjie wat Lindi raakgeloop het, gekoop. Ek is baie bly ek kon een kry! Lindi is soos 'n bloedhond wat sulke winkels aanbetref - sy kry almal opgespoor. Sien interessante inligting oor Meerschaum by wikipedia.
Vrydag, 2 September is ons almal strand toe. Dit was 'n heerlike dag en die weer was regtig lekker. Die kinders het die water en strand baie geniet. Ek sal die foto's later oplaai, my internet wil nie so lekker werk nie. Lyk asof iets sy gorrel toedruk.
Saterdagoggend het Sarel my en Ma vermaak deur ons met 'n kartoer na al die klein dorpies in Surry te neem. Dit was so interessant. Dit is pragtig daar met die tipiese Engelse groen heuwels, woude en klein, stokou dorpies waaroor digters liries kan raak. Sarel-hulle ry fietsroetes deur dis dorpies en ken diemooi, klein agterstraatjies en goeie pubs soos die palm van sy hand.
Dit was so spesiaal om bietjie by die familie te kuier, ek is baie dankbaar dat ek dit kon doen. Ons sien so min van mekaar, en ek is so 'n slegte beller.
Saterdagaand moes ek die vlug terug SA toe neem. Gelukkig vlieg ons ou SAL nou van Heathrow Terminaal 1 af, dis minder besig daar. Ek het eers heeltemal te veel geld uitgegee omdat ek na almal verlang het (Ane horlosie, Thinus whiskey en Aurona parfuum). Dit was 'n lang vlug terug, ek kon nie wag om by die huis te kom nie. Dit was 'n baie lekker trip maar ek het regtig hierdie keer my familie gemis.
Dit was heerlik om by Sarel in Lindi te kuier. Die kinders word so groot en raak regtig net al hoe ouliker. Hulle het 'n lieflike huis en dit was lekker om Ma ook weer te sien so saam met die uitgeweke familie.
Ek het vir Thinus se Meerschaum-pyp ook in Windsor by 'n klein twakwinkeltjie wat Lindi raakgeloop het, gekoop. Ek is baie bly ek kon een kry! Lindi is soos 'n bloedhond wat sulke winkels aanbetref - sy kry almal opgespoor. Sien interessante inligting oor Meerschaum by wikipedia.
Vrydag, 2 September is ons almal strand toe. Dit was 'n heerlike dag en die weer was regtig lekker. Die kinders het die water en strand baie geniet. Ek sal die foto's later oplaai, my internet wil nie so lekker werk nie. Lyk asof iets sy gorrel toedruk.
Saterdagoggend het Sarel my en Ma vermaak deur ons met 'n kartoer na al die klein dorpies in Surry te neem. Dit was so interessant. Dit is pragtig daar met die tipiese Engelse groen heuwels, woude en klein, stokou dorpies waaroor digters liries kan raak. Sarel-hulle ry fietsroetes deur dis dorpies en ken diemooi, klein agterstraatjies en goeie pubs soos die palm van sy hand.
Dit was so spesiaal om bietjie by die familie te kuier, ek is baie dankbaar dat ek dit kon doen. Ons sien so min van mekaar, en ek is so 'n slegte beller.
Saterdagaand moes ek die vlug terug SA toe neem. Gelukkig vlieg ons ou SAL nou van Heathrow Terminaal 1 af, dis minder besig daar. Ek het eers heeltemal te veel geld uitgegee omdat ek na almal verlang het (Ane horlosie, Thinus whiskey en Aurona parfuum). Dit was 'n lang vlug terug, ek kon nie wag om by die huis te kom nie. Dit was 'n baie lekker trip maar ek het regtig hierdie keer my familie gemis.
Subscribe to:
Posts (Atom)